ჩინეთისა და რუსეთის პრეზიდენტები „დიდი ოცეულის“ სამიტს დაესწრებიან. ინფორმაცია ტელეკომპანია „ბიბისი“ ინდონეზიის პრეზიდენტზე დაყრდნობით ავრცელებს.
ეს არის პირველი დადასტურებული ინფორმაცია, რომ ვლადიმერ პუტინი და სი ძინპინი ბალიზე დაგეგმილ სამიტზე ჩავლენ. ამასთან, ეს იქნება პირველი გლობალური სამიტი, რომელიც რუსეთის უკრაინაში შეჭრის შემდეგ გაიმართება.
კოვიდპანდემიის დაწყების შემდეგ, ჩინეთის პრეზიდენტისთვის პირველი საგარეო ვიზიტი იქნება.
ბალიზე „დიდი ოცეულის“ სამიტი ნოემბერშია დაგეგმილი. ვარაუდობენ, რომ შეხვედრაში მონაწილეობას მიიღებს აშშ-ის პრეზიდენტი ჯო ბაიდენიც.
