პოლიტიკა

ევროკავშირი-უკრაინის სამიტი 3 თებერვალს გაიმართება

ევროკავშირი-უკრაინის სამიტი 3 თებერვალს გაიმართება. ამის შესახებ ინფორმაციას სააგენტო „როიტერი“ ევროკავშირის პრესსპიკერის განცხადებაზე დაყრდნობით ავრცელებს.

„შემიძლია, დავადასტურო, რომ ევროკავშირი-უკრაინის სამიტი 2023 წლის 3 თებერვალს გაიმართება და ასევე პრეზიდენტი ზელენსკი დაპატიჟებულია ბრიუსელში“, – აღნიშნა ევროკავშირის პრესსპიკერმა.

მისივე განმარტებით, ზელენსკის ბრიუსელში მიწვევა არ ნიშნავს, რომ ევროკავშირი-უკრაინის სამიტი ბელგიის დედაქალაქში გაიმართება. სამიტის ჩატარების ადგილი ჯერ განსაზღვრული არ არის.

ოფიციალური პირების თქმით, სამიტზე მთავარი საკითხი იქნება ევროკავშირის მხრიდან უკრაინის მხარდაჭერის გაგრძელება. ევროპელი ლიდერები ასევე შეაფასებენ უკრაინის მიერ ევროკავშირში გაწევრინების გზაზე მიღწეულ პროგრესს.

ასევე ნახეთ

1941 წლის 26 დეკემბერს, უინსტონ ჩერჩილის ვიზიტიდან 81 წლის გასვლის შემდეგ, კონგრესში პირველად გამართა შეხვედრა მიმდინარე ომში მყოფი ქვეყნის უცხოელმა ლიდერმა

  1941 წლის 26 დეკემბერს, კონგრესში ბრიტანეთის პრემიერ მინისტრის უინსტონ ჩერჩილის ვიზიტიდან 81 წლის გასვლის …