როგორც ევროკავშირის უმაღლესმა წარმომადგენლმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა განაცხადა,ევროკავშირი არ აღიარებს დონეცკის, ლუგანსკის, ზაპოროჟიესა და ხერსონის ოლქების უკანონო ანექსიას,სწორედ ამიტომ, ზაპოროჟიეს ატომური ელექტროსადგურის მითვისების შესახებ განკარგულება უკანონო და იურიდიულად ბათილია.როგორც მან აღნიშნა, რუსეთმა მთლიანად უნდა გაიყვანოს საკუთარი ძალები თუ ტექნიკა და სადგურზე კონტროლი გადასცეს უკრაინას.
“ევროკავშირი არ აღიარებს და კატეგორიულად გმობს რუსეთის მიერ დონეცკის, ლუგანსკის, ზაპოროჟიესა და ხერსონის ოლქების უკანონო ანექსიას. ამიტომაც, ზაპოროჟიეს ატომური ელექტროსადგურის მითვისების შესახებ განკარგულება უკანონო და იურიდიულად ბათილია. რუსეთმა მთლიანად უნდა გაიყვანოს საკუთარი ძალები და ტექნიკა და სადგურზე კონტროლი გადასცეს მის კანონიერ მფლობელს, უკრაინას”, – აღნიშნა ბორელმა.
