როგორც უკრაინის პრემიერ-მინისტრი, დენის შმიგალი „ტელეგრამზე“ იუწყება, უკრაინამ ევროკავშირისგან მაკროფინანსური დახმარების კიდევ ერთი, 2 მილიარდი ევროს ოდენობის ტრანში მიიღო.
„უკრაინამ ევროკავშირისგან 2 მილიარდი ევროს მოცულობის მაკროფინანსური დახმარება მიიღო. დღეს ჩვენმა სახელმწიფომ კიდევ ერთი ტრანში მიიღო ევროკავშირისგან, რომელიც მიზნად ისახავს უკრაინის ეკონომიკური სტაბილურობის შენარჩუნებას. დამატებითი ფინანსური რესურსი ხელს შეუწყობს გადაუდებელი საბიუჯეტო ხარჯების დაფარვას, კერძოდ კი სოციალურ და ჰუმანიტარულ სფეროებში“, – აღნიშნა შმიგალმა.
