ისტორიული სამიტი ალასკაში. ქალაქ ანკორიჯში აშშ-ისა და რუსეთის პრეზიდენტების შეხვედრა კონკრეტული შედეგის გარეშე დასრულდა. ეს ალასკაში პუტინის – პირველი ვიზიტი, 2015 წლის შემდეგ კი შტატების ტერიტორიაზე მისი პირველი სტუმრობა იყო.
ორი ქვეყნის პრეზიდენტების დღის წესრიგი ძირითადად უკრაინის კონფლიქტს ეხებოდა. განხილვის თემა იყო ვაშინგტონსა და მოსკოვს შორის ურთიერთობებიც. შეხვედრაზე მიწვეული არ ყოფილა უკრაინული მხარე. სამიტზე მხარეებმა ომის დასრულების შესახებ პოზიციები ვერ შეაჯერეს, თუმცა ითქვა, რომ მნიშვნელოვან საკითხებზე პროგრესი არის და მოლაპარაკებები გაგრძელდება.
