„ალტ-ინფოს“ წარმომადგენლები, „თბილისი პრაიდის“ ორგანიზატორების მიმართ მუქარისშემცველი პოსტების გამო, გამოკითხვაზე დაიბარეს

ორგანიზაცია „ალტ-ინფოს“ წარმომადგენლები სამართალდამცავებმა გამოკითხვაზე დაიბარეს. გამოკითხვაზე მისვლა სავარაუდოდ, „ფეისბუქში“ მათი მხრიდან „თბილისი პრაიდის“ მისამართით გამოთქმულ მუქარისშემცველ მოსაზრებებს უკავშირდება.

ცნობისთვის, „თბილისი პრაიდი“ ღონისძიების გამართვას დახურულ რეჟიმში აპირებს,. „ალტ-ინფოს“ წარმომადგენლები ამბობენ, რომ მიუხედავად ამისა, კონტრშეკრებას „პრაიდის“ წინააღმდეგ მაინც აპირებენ.