პოლიტიკა

ექიმებმა გოგოს მუცელში მაკრატელი დაუტოვეს – ფოტო

რუსთავის მარდალეიშვილის კლინიკაში 22 წლის ქალს 3 თვის წინ გაკეთებული ქირურგიული ოპერაციის დროს მუცელში ჩატოვებული მაკრატლის ამოსაღებად ქირურგიული ოპერაცია ჩაუტარდა. 

„ინფო რუსთავის“ ინფორმაციით, ოჯახის წევრები აცხადებენ, რომ პაციენტს მაკრატელი მუცელში 3 თვის განმავლობაში ჰქონდა და ამ დროის განმავლობაში, ქალს ტკივილები აწუხებდა, თუმცა მიზეზის დადგენა მხოლოდ გუშინ მოხერხდა. 

როგორც მარდალეიშვილის სამედიცინო ცენტრის ერთ-ერთმა დამფუძნებელმა და ხელმძღვანელმა, გიორგი ლოლაძემ განაცხადა, კლინიკაში ჩატარებული ოპერაციის შემდეგ გოგონას მუცლის ღრუში სამედიცინი ინსტრუმენტი ნამდვილად დარჩა. მისი თქმით, ეს არათუ ერთი ექიმის, არამედ მთელი საოპერაციო ჯგუფის შეცდომაა.

სამედიცინო დირექტორის განცხადებით, 22 წლის გოგოს გუშინდელმა ოპერაციამ, რომელიც მუცლის ღრუდან მაკრატლის ამოსაღებად ჩაუტარდა, კარგად ჩაიარა და ის თავს სტაბილურად გრძნობს.

ასევე ნახეთ

150 000 პენსიონერს სესხის პროცენტი დღეიდან შეუმცირდება

სახელმწიფოსა და „ლიბერთი ბანკს“ შორის მიღწეული შეთანხმების შედეგად, 150 000 პენსიონერს სესხის პროცენტი დღეიდან შეუმცირდება. …

ჩანთების ონლაინ მაღაზია