მეხანძრე-მაშველებმა დაკარგული მთამსვლელის ცხედარი იპოვეს – ამის შესახებ ინფორმაციას შინაგან საქმეთა სამინისტრო ავრცელებს.
“შინაგან საქმეთა სამინისტროს საგანგებო სიტუაციების მართვის სამსახურის თანამშრომლებმა სვანეთში, მწვერვალ შხელდაზე დაკარგული გარდაცვლილი მთამსვლელის ცხედარი, დაახლოებით 3800 მეტრის სიმაღლეზე, კლდოვან ფერდობზე იპოვეს.
სამძებრო-სამაშველო ოპერაციის ფარგლებში, საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს მეხანძრე-მაშველებისმიერ, შესაბამისი სპეც-ტექნიკისა და სასაზღვრო პოლიციის ვერტმფრენის ჩართულობით მთამსვლელის ცხედარი გადმოსვენებულია და მიმდინარეობს შესაბამისი პროცედურები,”- აღნიშნულია განცხადებაში.
არჩილ ბადრიაშვილი 34 წლის ასაკში ტრაგიკულად დაიღუპა, ის იყო თანამედროვე საქართველოს ერთ-ერთი გამორჩეული მთამსვლელი, ალპინიზმის სფეროში არაერთი მნიშვნელოვანი ჯილდოსა და “ოქროს წერაყინის” მფლობელი.
