ბაქოში მიმდინარე ძიუდოს მსოფლიო ჩემპიონატზე ტატო გრიგალაშვილმა (81 კგ) საქართველოს ნაკრებს კიდევ ერთი ოქროს მედალი მოუტანა. ქართველმა ძიუდოისტმა ფინალში მასპინძელი აზერბაიჯანელი ზელიმ ცკაევი დამატებით დროში დაამარცხა და მსოფლიო ჩემპიონის ტიტულს მეოთხედ დაეუფლა.
გრიგალაშვილმა მსოფლიო პირველობის ფინალში ზედიზედ მეექვსედ იჭიდავა და ჩემპიონის ტიტული მეოთხედ მოიგო (2022, 2023, 2024, 2026).
ცნობისთვის, მიმდინარე მსოფლიო ჩემპიონატზე საქართველოს ნაკრების ანგარიშზე სამი მედალია – მსოფლიო ჩემპიონი ტატო გრიგალაშვილი (81 კგ) გახდა, ეთერ ლიპარტელიანმა (57 კგ) – ვერცხლის მედალი მოიპოვა, გიორგი სარდალაშვილი (60 კგ) კი ბრინჯაოს მედალს დაეუფლა








