პოლიტიკა

ხატია დეკანოიძე – პრეზიდენტისთვის უფლების ჩამორთმევა და “ქართული ოცნების” მიერ ცესკოს ინსტიტუციონალური გადაფორმება შეიძლება აისახოს კანდიდატის სტატუსის მინიჭებაზე

ოპოზიციონერი დეპუტატი ხატია დეკანოიძე საარჩევნო კოდექსში ცვლილებებთან დაკავშირებით ფიქრობს, რომ “ქართული ოცნების“ მიერ ცესკოს ინსტიტუციონალური გადაფორმება უკან გადადგმული ნაბიჯია, ეს კი შეიძლება კანდიდატის სტატუსის მინიჭებაზე აისახოს. ეს გადაწყვეტილება ევროკავშირის რეკომენდაციასთან წინააღმდეგობაშია.

„12 პუნქტიდან ერთი რეკომენდაცია გულისხმობდა, რომ საქართველოში ყოფილიყო სამართლიანი საარჩევნო გარემო, ეს გულისხმობდა დამოუკიდებელ ცესკოს, საარჩევნო კოდექსის გამართვას და პოლიტიკურ ნებას, გამოხატულს “ქართული ოცნების” მხრიდან, რომ მზად არიან ჩაატარონ სამართლიანი არჩევნები, რომელიც საქართველოს მოქალაქეების ნებას გამოხატავს. ამ კონტექსტში პრეზიდენტისთვის უფლების ჩამორთმევა და “ქართული ოცნების” მიერ ცესკოს ინსტიტუციონალური  გადაფორმება ნიშნავს უკან გადადგმულ ნაბიჯს 12-დან ერთ-ერთ რეკომენდაციასთან დაკავშირებით. ეს, რა თქმა უნდა, შეიძლება აისახოს კანდიდატის სტატუსის მინიჭებაზე”, – განაცხადა დეკანოიძემ.

ასევე ნახეთ

ირაკლი ოქრუაშვილი – თავისუფლება არ იზომება არც 20 000 ლარად, არც 50 000 ლარად და არც საზღვრის კვეთის აკრძალვად

თავდაცვის ყოფილ მინისტრს, ირაკლი ოქრუაშვილს, რომელსაც საქართველოს პარლამენტის დროებითი საგამოძიებო კომისიის მოთხოვნის შეუსრულებლობას ედავებიან, აღკვეთის …

ჩანთების ონლაინ მაღაზია