სამხრეთ კორეაში წყალდიდობის მსხვერპლთა რიცხვმა 20-ს გადააჭარბა.
ევაკუირებულია ათასობით ადამიანი. ქვეყანაში უხვი ნალექი სამი დღეა გრძელდება, რამაც მეწყერი გამოიწვია. ძლიერმა წვიმამ მდინარეების კალაპოტიდან გადმოსვლა გამოიწვია, ათობით დასახლებული პუნქტი დაიტბორა. სტიქიის შედეგად გათიშულია ელექტროენერგია, ასევე დაზიანებულია ინფრასტრუქტურა.
ოფიციალური ინფორმაციით, 10 ადამიანი ამ დრომდე დაკარგულად მიიჩნევა, არიან დაშავებულებიც.
