ათენის ჩრდილო-დასავლეთ რეგიონში გაჩენილმა ხანძარმა სახლები, ავტომანქანები და ინფრასტრუქტურა გაანადგურა.
ხანძრის გამო მოსახლეობა იძულებული გახდა, ტერიტორია დაეტოვებინა. ოფიციალური პირების ცნობით, ხანძრის აქტიური კერები რვა კილომეტრზე ვრცელდებოდა.
მედიის ინფორმაციით, პოლიციამ 300-ზე მეტი ადამიანის ევაკუაცია მოახდინა.
ხანძრის ჩასაქრობად 250 მეხანძრე, 75 სახანძრო მანქანა, 11 თვითმფრინავი და 9 ვერტმფრენია მობილიზებული. მათ დასახმარებლად საფრანგეთმა და იტალიამ 18 ივლისს ათენში გაგზავნეს ხანძრის საწინააღმდეგო 4 თვითმფრინავი.
ევროპის ქვეყნებში საბერძნეთის მსგავსად, ერთ კვირაზე მეტია უჩვეულოდ მაღალი ტემპერატურაა. ათენში გაუსაძლისი სიცხის გამო დაკეტეს აკროპოლისიც.
