რუმინეთის პრეზიდენტი კლაუს იოჰანისი კიევში ჩავიდა. შესაბამის ვიდეოს ის სოციალურ ქსელ „ტვიტერში“ აქვეყნებს.
უკრაინაში ასევე იმყოფებიან საფრანგეთის, გერმანიისა და იტალიის ლიდერები.
კიევში ვიზიტამდე ერთი დღით ადრე რუმინეთის პრეზიდენტი კონსტანცაში ემანუელ მაკრონს შეხვდა.
როგორც ორმხრივი პრესკონფერენციის დროს კლაუს იოჰანისმა განაცხადა, უკრაინისთვის, მოლოდვისა და საქართველოსთვის წევრობის კანდიდატის სტატუსის მინიჭება, რაც შეიძლება მალე უნდა მოხდეს. რუმინეთის პრეზიდენტი ამას ზნეობრივად, ეკონომიკურად და უსაფრთხების თვალსაზრისით სწორ გადაწყვეტილებად მიიჩნევს.
Just arrived in Kyiv. pic.twitter.com/fFJhyMd0tK
— Klaus Iohannis (@KlausIohannis) June 16, 2022
