81 წლის ირაკლი ხვედაგურიძე ერთადერთი ლიცენზირებული ექიმია საქართველოს მთიან რეგიონ თუშეთში, რომელიც შემცირებულ თემს ემსახურება. მისი მარჯვენა ხელი თეთრი ცხენი, სახელად – ბიჭოლაა. მისი წყალობით ზაფხულსა და ადრეულ შემოდგომაზე ექიმი თავის პაციენტებამდე მიდის.
აქ ძალიან დიდი თოვლი იცის, ხვედაგურიძე ასეთ დროს არყის ხის ფიცრებისგან საკუთარი ხელით გამოჭრილ თხილამურებს იყენებს რათა გადაადგილდეს.
გამოცემა The Guardian-მა ექიმის ყოველდღიურობის ამსახველი ვრცელი ფოტორეპორტაჟი მოამზადა 81 წლის ექიმის საქმიანობის შესახებ, სადაც თუშეთის საუცხოო სილამაზეც თვალისმომჭრელად არის წარმოაჩენილი.
ირაკლი ხვედაგურიძე ისეთი წარმატებული ფოტოგრაფის, Tomer Ifrah-ის, ობიექტივში მოხვდა, რომელსაც ძალიან ცნობილი გამოცემებისთვის უმუშავია, როგორებიც არის – The New Yorker , Financial Times Weekend Magazine , British Journal of Photography , The Guardian , CNN და Bloomberg Businessweek Magazine და ა.შ.
ირაკლი ხვედაგურიძე სოფელ ბოჭორნაში, საკუთარი სახლის ვერანდაზე. მის უკან არის მისი თხილამურები, რომლებსაც დიდი თოვლის დროს იყენებს.
იგი მუშაობს ახალი სახლის მშენებლობაზე ბოჭორნაში, რომელიც მდებარეობს მისი ამჟამინდელი სახლიდან რამდენიმე მეტრში.
ხვედაგურიძე პაციენტის მოსანახულებლად ცხენით მიემართება. ამჯერად პაციენტი მწყემსია. ცხენზე ამხედრებული ექიმი სამედიცინო შემოვლის დროს.
ექიმი მწყემსის სახლში, რომელსაც უტარებს პირველად სამედიცინო გამოკვლევებს.
დაისი ზემო ომალოსკენ მიმავალ გზაზე.
სოფელ შენაქოში, დეკემბრისთვის უჩვეულო რამდენიმე მზიანი დღის შემდეგ.
ცხენზე ამხედრებული ხვედაგურიძე კვეთს მდინარეს და ომალოდან სოფელ შენაქოსკენ მიემართება, რათა რამდენიმე დღით თავისი ცხენი, ბიჭოლა, მეგობართან დატოვოს.
დეკემბერში, ომალოდან ბოჭორნაში ფეხით მიმავალი ექიმი. ომალოში განთავსებულია მედპუნქტი, სადაც ექიმი სამედიცინო მარაგის შესავსებად მიდის.
სახლი ბოჭორნაში. ზამთრის ყველაზე ცივ დღეებში ტემპერატურა აქ -30 გრადუსამდე ეცემა. ველური ცხენები დილით ადრე ომალოში. ზამთრის ცივი თვეების დადგომამდე ცხოველების უმეტესობა ბარში ინაცვლებს.
- წყარო-The Guardian
