პარლამენტმა „საქართველოს სისხლის სამართლის საპროცესო კოდექსში ცვლილების შეტანის შესახებ“ პრეზიდენტის ვეტო 79 ხმით დაძლია.
პრეზიდენტის მოტივირებული შენიშვნები საშემოდგომო სესიის პირველივე სხდომაზე, პრეზიდენტის საპარლამენტო მდივანმა წარადგინა. მთავარ არგუმენტად, ადამიანის უფლებების დაცვა დასახელდა. საფუძვლად კი, ვენეციის კომისიის დასკვნა. სხდომაზე
თავდაპირველად პრეზიდენტის მოტივირებულ შენიშვნებს უყარეს კენჭი, რომელსაც მხარი მხოლოდ 20-მა დეპუტატმა დაუჭირა, წინააღმდეგ 68 დეპუტატი წავიდა. ამის შემდეგ, კენჭისყრაზე დადგა პარლამენტის მიერ 7 ივლისს მიღებული და ვეტოდადებული კანონპროექტი, რომელსაც მხარი 79 – მა დეპუტატმა დაუჭირა, 27 წინააღმდეგ წავიდა. მმართველ პარტიაში მიაჩნიათ, რომ კანონის ჩაგდებით ძალოვანი უწყებების ეფექტიანი მუშაობის შესაძლებლობა შეიზღუდებოდა.
