პოლიტიკა

2023 წლის პირველი ივლისიდან სოციალურად დაუცველი ბავშვები ყოველთვიური დახმარების სახით 200 ლარს მიიღებენ – თამარ ბარკალაია

საქართველოს ჯანდაცვის მინისტრის მოადგილემ, თამარ ბარკალაიამ შეაფასა სტატისტიკის ეროვნული სამსახურის მიერ ჩატარებული ბავშვთა კეთილდღეობის კვლევა რომელიც გაერო-ს ბავშვთა ფონდის მხარდაჭერით განხორციელდა.

თამარ ბარკალაიამ აღნიშნა,  რომ ბავშვთა კეთილდღეობა სახელმწიფოს ერთ-ერთი პრიორიტეტია და უკნასკნელ წლებში განხორციელებული ცვლილებების მიზანია ბავშვთა კეთილდღეობის გაზრდა, ოჯახების გაძლიერება და სოციალურ-ეკონომიკური მდგომარეობის გაუმჯობესება.

მან ასევე აღნიშნა, რომ გამოწვევები რჩება, რომელთა დასაძლევად ხელისუფლება აქტიურად აგრძელებს მუშაობს.

„2022 წელს 50 ლარით გაიზარდა სოციალურად დაუცველ ბავშვთა ფულადი დახმარება და 150 ლარი შეადგინა. 2023 წლის პირველი ივლისიდან სოციალურად დაუცველი ბავშვები ყოველთვიური დახმარების სახით 200 ლარს მიიღებენ. პროგრამის ბიუჯეტი 500 მილიონი ლარია. გაზრდილ დახმარებას კი დაახლოებით 230 000-ზე მეტი ბავშვი მიიღებს. გაიზარდა შშმ ბავშვებისა და მკვეთრად გამოხატული შშმ პირების სოციალური გასაცემელიც. 2023 წლიდან მკვეთრად გამოხატული შეზღუდული შესაძლებლობის სტატუსის მქონე პირებისა და შშმ სტატუსის მქონე ბავშვებისთვის სოციალური პაკეტი გაიზარდა 65 ლარით და განისაზღვრა 340 ლარით. ბავშვთა კეთილდღეობა სახელმწიფოს ერთ-ერთი პრიორიტეტია. ამ მიმართულებით მნიშვნელოვანი ცვლილებები განხორციელდა. საზოგადოებისთვის ცნობილია, რომ მსგავსი ტიპის სოციალური გასაცემელი 2012 წლამდე არ არსებობდა, დღეს მნიშვნელოვანი პროგრესი გვაქვს“, – განაცხადა თამარ ბარკალაიამ.

ასევე ნახეთ

დღეს, საქართველო – ესპანეთის მატჩის დროს, თბილისის მეტრო და მუნიციპალური ავტობუსების ნაწილი გახანგრძლივებული დროით იმუშავებს

ესპანეთი-საქართველოს ეროვნულ ნაკრებებს შორის დღეს დაგეგმილი მატჩის პერიოდში, გულშემატკივრების შეუფერხებლად გადაადგილების მიზნით, თბილისის მეტრო და …

ჩანთების ონლაინ მაღაზია