პანდემიის გამო,ორწლიანი პაუზის შემდეგ „ქართული ღვინის ფესტივალი“ ბრუნდება.
ფესტივალი 8 ოქტომბერს შარდენზე,სიონის ქუჩაზე გაიმართება და ქართული ღვინისა და კულტურის მოყვარულებს კვლავ გააერთიანებს. გარდა ღვინისა, ფესტივალზე წარმოდგენილი იქნება ჩირი, ჩურჩხელა, ყველი, ხელნაკეთი აქსესუარები და ასე შემდეგ.გამოფენა-გაყიდვასა და დეგუსტაციასთან ერთად, სტუმრებს ექნებათ ცოცხალი მუსიკის მოსმენის შესაძლებლობა, როგორც ფოლკლორული ანსამბლების, ასევე ბენდების. ფესტივალი მთელი დღის განმავლობაში იქნება დატვირთული გასართობი პროგრამებით,მათ შორის:მიმების შოუ, დრამების შოუ, ცეცხლის შოუ – ეს მხოლოდ მცირე ჩამონათვალია იმისა, რაც სიონის ქუჩაზე მისულ სტუმრებს ელით.
ცნობისთვის,ღონისძიება 12:00 საათზე დაიწყება და 19:00 საათზე დასრულდება,დასწრება თავისუფალია.
