ნაგოიაში მიმდინარე სუმოს სუპერტურნირზე ტოჩინოშინმა მეხუთე ბრძოლა გამართა.
ლევან გორგაძე მერვე მაეგაშირა ნიშიკიგის დაუპირისპირდა. ქართველ სუმოისტს ბალანსზე 2 მოგება და 2 წაგება ჰქონდა, მის მეტოქეს კი 4-დან 4 გამარჯვება.
ივლისის სუპერტურნირზე ნიშიკიგის წაუგებელი სერია ლევანმა შეწყვიტა. მეტოქემ ქართველი სუმოისტის მძლავრ მიძალებას ვერ გაუძლო და ტოჩინოშინმა ნიშიკიგი დოჰიოდან გადაიყვანა.
ლევან გორგაძე მომდევნო შეხვედრას ხვალ, 15 ივლისს ჩაატარებს და დასავლეთის მე-9 მაეგაშირა კოტოეკოს დაუპირისპირდება.
