პოლიტიკა

10 საუკეთესო ღვინის რეგიონი, რომელსაც 2023 წელს უნდა ესტუმრო – ტოპ ათეულში საქართველო პირველ ადგილს იკავებს

10 საუკეთესო ღვინის რეგიონი, რომელსაც 2023 წელს უნდა ესტუმრო, ტოპ ათეულში საქართველო პირველ ადგილზეა. ინფორმაციას ტურიზმის ეროვნული ადმინისტრაცია ავრცელებს.

აღნიშნული ინფორმაცია ამერიკის შეერთებულ შტატებში ერთ-ერთი უდიდესი ღვინის ციფრული პლატფორმა VinePair გამოქვეყნებულ სტატიაში წერია, გამოცემა მკითხველს საქართველოში მოგზაურობას და კახეთში ღვინის დაგემოვნებას მოუწოდებს.

საუკეთესო მიმართულებად საქართველოსთან ერთად საფრანგეთი, პორტუგალია, პერუ, იტალია, ესპანეთი, ხორვატია, ახალი ზელანდია, კალიფორნია და ტეხასი დასახელდა.

„ღვინის მომზადების უძველესი ტექნიკა საქართველოში იღებს სათავეს. ამიტომ სულ არ არის გასაკვირი, რომ ახლა საქართველო ღვინის პოპულარული რეგიონია. ღვინის წარმოების 8 ათასწლოვანი ისტორიით საქართველო ღვინის სამშობლოდ არის მიჩნეული. დღეს ქართული ღვინო სწრაფად ხდება პოპულარული და ექსპორტი ყოველწლიურად რეკორდულად იზრდება. ეს ხელს უწყობს საქართველოს პოპულარიზაციას, ტურისტულ ბუმს და ეკონომიკის გაზრდას. ამიტომ თუ ხართ სასმელების მოყვარული დაჯავშნეთ თქვენი მოგზაურობა საქართველოში“, – წერს გამოცემის მიმომხილველი ჰანა სტაბი.

სტატიაში კახეთის მარნები, ღვინის ქარხნები და მუზეუმებია შეფასებული. მათ შორის წინანდლის მუზეუმიც. VinePair-ის ცნობით, წინანდლის მამულში სტუმრებს ვენახებთან ერთად შეუძლიათ დაათვალიერონ 1814 წელს გამოშვებული 15000 ბოთლი ღვინო.

„ღვინოში ჩასაძირად კახეთზე უკეთესი რეგიონი არ არსებობს. ეს საქართველოში ღვინის წარმოების საუკეთესო რეგიონია. თბილისიდან ერთი საათის სავალზე მდებარე რეგიონში საუკეთესო ყურძნის ჯიშებია, მათ შორისაა: საფერავი და რქაწითელი. ღვინის ფერმენტაცია თიხის ჭურჭელში, ქვევრში ხდება. ეს ტრადიცია იუნესკოს მსოფლიო მემკვიდრეობის სიაშია შესული“, – წერს ჰანა სტაბი.

ასევე ნახეთ

შალვა პაპუაშვილი – ერთი სქესის წარმომადგენელთა ინტიმური სცენების ამსახველი კადრების გავრცელების თაობაზე აკრძალვა თეატრებსა და მხატვრულ ლიტერატურას არ ეხება

პარლამენტის თავმჯდომარის, შალვა პაპუაშვილის განცხადებით, ერთი სქესის წარმომადგენელთა ინტიმური სცენების ამსახველი კადრების გავრცელების თაობაზე აკრძალვა …

ჩანთების ონლაინ მაღაზია