როგორც ცნობილია, ილია ჭავჭავაძის ლიტერატურულ-მემორიალურ მუზეუმში დავით მაღრაძის პოეტური კრებულის „პოეტის ეპისტოლეს“ და წიგნის „მოქალაქეში ადამიანის გადასარჩენად“ პრეზენტაცია გაიმართა.
პოეტური კრებული აერთიანებს 140-მდე ლექსს, წიგნში კი შესულია პუბლიცისტური წერილები და საუბრები.
„მე რასაც ვწერ ლექსში, პოეტიკის ენაზე, შემდეგ ვთარგმნი პუბლიცისტიკის ენაზე. სულისკვეთება და სივრცე ამ ორივე წიგნს დაახლოებით ერთი აქვს, მაგრამ ერთი არის ინტერვიუები, წერილები და მეორე ლექსების კრებული. „პოეტის ეპისტოლეს“ მხატვარი არის ჩემთვის ძალიან ძვირფასი მეგობარი მამუკა მიქელაძე“, – განაცხადა დავით მაღრაძემ.
