მეექვსე გამარჯვება ნაგოია ბაშოზე – ტოჩინოშინმა მაისეი დაამარცხა

ივლისის ბაშოს მე-11 დღეს ტოჩინოშინი მე-10 მაეგაშირა მაისეი დაუპირისპირდა.

ლევან გორგაძეს თანაბარი ბალანსი ჰქონდა (5:5), მის მეტოქეს კი 6 მოგება 4 მარცხი.

ტოჩინოშინი და მაისეი აქამდე ხუთჯერ შეხვდნენ ერთმანეთს – ორჯერ ლევანმა გაიმარჯვა, სამჯერ – მისმა მოწინააღმდეგემ.

ამჯერად, ქართველმა სუმოისტმა მეტოქე ადვილად, იორიკირის ილეთით დაამარცხა და ახლა დადებითი ბალანსი აქვს – 6 მოგება და 5 მარცხი.