პარიზის საგამოფენო სივრცეში MAISON BRUNEAU უკრაინაში მოღვაწე ქართველი მხატვრის, თამაზ ავალიანის ნამუშევრების გამოფენა გაიხსნება, სადაც წარმოდგენილი იქნება თამაზ ავალიანის შემოქმედების სხვადასხვა პერიოდში შექმნილი ახალი ნახატები.
გამოფენა 15 ოქტომბერს გაიხსნება და 17 ოქტომბერს დაიხურება, საქველმოქმედო გამოფენიდან შემოსული თანხა უკრაინის დახმარების ფონდში გადაირიცხება.
ცნობისთვის, თამაზ ავალიანი გრაფიკული ხელოვნების თანამედროვე წარმომადგენელია, რომელიც არაერთი პერსონალური გამოფენისა და პროექტის მონაწილეა სხვადასხვა ქვეყანაში.
