კულტურის კომიტეტის სხდომაზე „მუზეუმების შესახებ“ კანონში შესატანი ცვლილება მესამე მოსმენით განიხილეს.
როგორც კულტურის კომიტეტის თავმჯდომარემ და კანონპროექტის ერთ-ერთმა ინიციატორმა, ელისო ბოლქვაძემ განმარტა, კანონპროექტის მიღების შემდგომ, შესაძლებელი იქნება სამხედრო ტიპის მუზეუმის შექმნა.
„კანონპროექტში სამხედრო მუზეუმი განიმარტება, როგორც ღია სივრცეში ან/და დახურულ შენობაში განთავსებული მუზეუმი, სადაც დაცულია საქართველოს თავდაცვის ძალების და ქვეყნის სამხედრო წარსულის ისტორიული და ტექნიკური განვითარების ამსახველი მნიშვნელოვანი მასალები, სამხედრო ტექნიკის ნიმუშები და მატერიალურ-ტექნიკური საშუალებები“, – განაცხადა ელისო ბოლქვაძემ.
