საქართველოს ფარიკაობის ეროვნული ნაკრები მსოფლიო ჩემპიონატზე მიემგზავრება. ჩემპიონატი კაიროში 15-23 ივლისს ჩატარდება.
საქართველოს კულტურის, სპორტისა და ახალგაზრდობის სამინისტროს ფინანსური მხარდაჭერით ეგვიპტეში გაემგზავრება 10 სპორტსმენი, საქართველოს ნაკრების მთავარი მწვრთნელი და დელეგაციის ხელმძღვანელი. დამატებით ორ სპორტსმენს თბილისის მერია დააფინანსებს.
რაც შეეხება საქართველოს ნაკრების ლიდერს, ევროპის მოქმედ ჩემპიონს, სანდრო ბაზაძეს, ის ოლიმპიური კომიტეტისა და სპორტის სამინისტროს მხარდაჭერით მსოფლიო ჩემპიონატისთვის პარიზში ემზადება.
