პოლიტიკა

Screen Rant – „აკადემია ამბრელას“ ფინალურ სეზონში მხოლოდ 6 სერია იქნება

Netflix-ის სერიალის „აკადემია ამბრელა“ ბოლო, მეოთხე სეზონში მხოლოდ 6 სერია იქნება. ამის შესახებ Screen Rant-ი წერს.

გამოცემის ინფორმაციით, ეს სერიალის შოურანერმა სტივ ბლექმენმა დაადასტურა. ამასთან, ცნობილია სეზონის პირველი სერიის სახელწოდება – „რაც გინდა იმის მიღების აუტანელი ტრაგედია“. ბლექმენმა შოუს თაყვანისმცემლებს უთხრა, რომ სერიების რაოდენობის წინა სეზონებისთვის ჩვეული 10-დან 6-მდე შემცირების მიუხედავად, მათ თითოეული ეპიზოდი მოეწონებათ.

საკუთარ როლებს დაუბრუნდებიან: ელიოტ ფეიჯი, ტომ ჰოპრი, დევიდ კასტანედა, ემილი რეიევერ-ლამპმანი, რობერტ შიჰანი, ეიდან გალაჰერ, ჯასტინ მინი, რიტუ არა და კოლმ ფიორე. შოუს აღმასრულებელი პროდიუსერი და შოურანერი კვლავ სტივ ბლეკმენი იქნება.

სეზონის პრემიერის თარიღი და სიუჟეტის დეტალები ამ ეტაპზე უცნობია.

„აკადემია ამბრელა“ ცნობილი როკ-ჯგუფის My Chemical Romance-ის ვოკალისტის, ჯერარდ ვეის კომიქსების მიხედვით არის გადაღებული და სუპერძალების მქონე ჰარგრივზების ოჯახის შესახებ მოგვითხრობს.

ასევე ნახეთ

კრისტოფერ ნოლანის ახალი ფილმის, Oppenheimer-ის ნახვა მაყურებელს 2023 წლის ივლისიდან შეეძლება

კრისტოფერ ნოლანის ახალი ფილმის, Oppenheimer-ის, ნახვა მაყურებელს 2023 წლის 21 ივლისიდან შეეძლება. ახლახან გავრცელდა ფილმის ტრეილერიც. ოპენჰაიმერი …