90-იანი წლების სამოდელო ინდუსტრიის ერთ-ერთი ყველაზე ცნობილი სახე, სუპერმოდელი ტატიანა პატიცი 56 წლის ასაკში გარდაიცვალა. სამწუხარო ამბავი 11 იანვარს ჟურნალმა Vogue-მა გაავრცელა. გარდაცვალების მიზეზი ჯერჯერობით უცნობია.
ტატიანა პატიცი 1966 წლის 25 მარტს გერმანიაში დაიბადა. პატიცმა სამოდელო კარიერა 80-იან წლებში დაიწყო და განსაკუთრებულ წარმატებას 90-იან წლებში – სუპერმოდელების ეპოქად აღიარებულ პერიოდში მიაღწია. ის მონაწილეობდა მოდის ინდუსტრიის წამყვანი დიზაინერების ჩვენებებში, მისი ფოტო კი დაიბეჭდა ისეთი ცნობილი ჟურნალების გარეკანზე, როგორებიც არის – Vogue, Elle და Harper’s Bazaar.
აღსანიშნავია, რომ ტატიანა პატიცი 90-იანი წლების იმ სუპერმოდელების კატეგორიას მიეკუთვნება, რომლებიც პოდიუმზე უახლეს წარსულშიც გამოჩნდნენ. სუპერმოდელის გარდაცვალების მიზეზი ჯერჯერობით უცნობია.
