პოლიტიკა

თბილისი მეშვიდე საერთაშორისო ლიტერატურულ ფესტივალს მასპინძლობს

9-14 სექტემბერს, თბილისი მეშვიდედ უმასპინძლებს საერთაშორისო ლიტერატურულ ფესტივალს, რომლის ფარგლებშიც, დედაქალაქს 11 ქვეყნიდან 14 ავტორი ეწვევა. ფესტივალი მწერალთა სახლის ორგანიზებით და თბილისის მერიის მხარდაჭერით იმართება.

თბილისის მერიის ინფორმაციით, საერთაშორისო ლიტერატურული ფესტივალის მთავარი თემაა „შინ“, როგორც ადამიანის იდენტობის განმსაზღვრელი ადგილი. პროგრამის სადისკუსიო თემები ამ სიმბოლოს და მის შინაარსს დაეთმობა.

კვირეულის განმავლობაში გაიმართება პოეზიის საღამოები, პანელ-დისკუსიები, წიგნების წარდგენები, შეხვედრები საინტერესო ავტორებთან.

თბილისის მეშვიდე საერთაშორისო ფესტივალის მონაწილე ავტორები არიან: ანდრი ლიუბკა (უკრაინა), მარტინ სოლოტრუკი (სლოვაკეთი), ჯესიკა ტრეინორი (ირლანდია), ჯონ ო’დონელი (ირლანდია), გრეტა ამბრაზაიტე (ლიტვა), დომინიკას ნორკუნასი (ლიტვა), სერგეი ტიმოფეევი (ლატვია), დმიტრი სტროცევი (ბელარუსი), არიანე ფონ გრაფენრიდი (შვეიცარია), იუსტინა ბარგელსკა (პოლონეთი), კშიშტოფ ჩიჟევსკი (პოლონეთი), ანდრეას ფლურაკისი (საბერძნეთი), ბერნჰარდ შლინკი (გერმანია), ტარა მაკდაუელი (ავსტრალია).

დღეს ფესტივალი ოფიციალურად გაიხსნება და ერთ-ერთი პირველი შეხვედრა უკრაინელ პოეტ ანდრი ლიუბკასთან გაიმართება. პირველ საფესტივალო დღეს დაასრულებს პოეტური ღამე „შინ“, ყველა სტუმრის მონაწილეობით.

ტრადიციულად, წელსაც ფესტივალის ფარგლებში გაიმართება მემორიალური საღამო, რომელიც გამორჩეული ამერიკელი პოეტის – რობერტ დანქენის ცხოვრებასა და პოეზიას მიეძღვნება.

ფესტივალი დასრულდება თანამედროვე ქართული პოეზიის მარათონით – მულტილოკაციური კითხვით მწერალთა სახლის სხვადასხვა სივრცეში.

თბილისის მეშვიდე საერთაშორისო ლიტერატურული ფესტივალის მხარდამჭერები და პარტნიორები არიან: თბილისის მერია, შვეიცარიის საელჩო საქართველოში, Prohelvetia, პოეზიის პლატფორმა Versopolis, ორგანიზაცია Literature Ireland, გოეთეს ინსტიტუტი, ევროკავშირის ლიტერატურული პრემია და ორგანიზაცია Latvian Literature.

ასევე ნახეთ

რიგით 96-ე ოსკარებით დაჯილდოება და წლის ტრიუმფატორები

ლოს ან­ჯე­ლეს­ში ოს­კა­რით რი­გით 96-ე და­ჯილ­დო­ე­ბის ცე­რე­მო­ნია ჩატარდა, სა­დაც ტრი­უმ­ფა­ტო­რი რე­ჟი­სორ კრის­ტო­ფერ ნო­ლა­ნის “ოპე­ნ­ჰა­ი­მე­რი გახ­და. …

ჩანთების ონლაინ მაღაზია