91 ასაკში მსახიობი თენგიზ არჩვაძე გარდაიცვალა. ინფორმაცია ამის შესახებ კოტე მარჯანიშვილის სახელობის თეატრმა გაავცელა.
თენგიზ არჩვაძე 1954 წლიდან კოტე მარჯანიშვილის სახელობის სახელმწიფო თეატრის მსახიობი იყო. მას სულ 46 კინოროლი აქვს შესრულებული. 1967-1972 წლებში იყო რუსთავის თეატრის მსახიობი; მის მიერ შესრულებული როლებიდან აღსანიშნავია: „მოკვეთილი“, „დედა“, „ღალატი“, „თვალი პატიოსანი“, „როცა ქალაქს სძინავს“ „მე ვხედავ მზეს“, „დღის წესრიგშია ერთი საკითხი“, „კვაჭი კვაჭანტირაძე“, „30 აგვისტო“, „ჯორდანო ბრუნო“ და სხვ. 1960 წლიდან კინოსტუდია „ქართული ფილმის“ მსახიობი; გადაღებულია ფილმებში: „კეთილი ადამიანები“, „ერთი ცის ქვეშ“, „ხევისბერი გოჩა“, „ხევსურული ბალადა“, „დიდოსტატის მარჯვენა“, „დათა თუთაშხია“, „შეხვედრა წარსულთან“, „შეხვედრა მთაში“, „მალე გაზაფხული მოვა“ და სხვ.
მას აქვს მიღებული არაერთი ჯილდო და პრემია. ის არის თბილისის საპატიო მოქალაქე, მინიჭებული აქვს ბრწყინვალების საპრეზიდენტო ორდენი, პრემია „საგურამო“, ღირსების ორდენი, არის შოთა რუსთაველის სახელობის სახელმწიფო პრემიის მფლობელი, აქვს საქართველოს სახალხო არტისტის წოდება და არის საქართველოს დამსახურებული არტისტი.
