გინესის რეკორდების წიგნმა კანადელი მომღერალი The Weeknd-ი პლანეტის ყველაზე პოპულარულ შემსრულებლად აღიარა.
33 წლის მუსიკოსმა ეს წოდება ორი სერიოზული რეკორდის დამყარების შემდეგ მიიღო: ის პირველი მუსიკოსი გახდა, რომელსაც Spotify-ზე თვეში 100 მილიონზე მეტი მსმენელი ჰყავს, ამასთან The Weeknd-ს ამ პლატფორმაზე რეკორდული რაოდენობის მსმენელი ჰყავს – 111,4 მილიონი.
2020 წელს გამოსული მუსიკოსის ჰიტი Blinding Lights Spotify-ზე ყველაზე მოსმენად კომპოზიციად რჩება.
