ქაბულში მომხდარ აფეთქებას სულ მცირე რვა პირი ემსხვერპლა, დაშავებულია 20 ადამიანი. ინფორმაციას სააგენტო „როიტერი“ ავრცელებს.
მედიის ცნობით, აფეთქება ავღანეთის დედაქალაქის დასავლეთით მდებარე უბანში მოხდა, სადაც ძირითადად შიიტი მუსლიმები იკრიბებიან. აფეთქებაზე პასუხისმგებლობა თავის თავზე ტერორისტულმა ორგანიზაცია „ისლამურმა სახელმწიფომ“ აიღო.
ქვეყნის შინაგან საქმეთა სამინისტროს ცნობით, ადგილზე პოლიციის და სამედიცინო დახმარების ჯგუფებია მობილიზებული.
აღსანიშნავია, რომ აფეთქება ქაბულში პარასკევსაც მოხდა, რის შედეგადაც რვა ადამიანი დაიღუპა და 18 დაშავდა.
