აშშ-ის სენატმა ისრაელისა და უკრაინის დაფინანსების კანონპროექტის განხილვას მხარი დაუჭირა.
კანონპროექტის განხილვას მხარი დაუჭირა 64-მა სენატორმა, მათ შორის 14 რესპუბლიკელია.
კანონპროექტში საუბარია 95.3 მილიარდი დოლარის დახმარების პაკეტზე, რომელიც უკრაინის, ისრაელის და ტაივანის დაფინანსებას ითვალისწინებს.
60 მილიარდი დოლარი უნდა გამოიყოს უკრაინისთვის, გათვალისწინებულია 14 მილიარდი დოლარით ისრაელის უსაფრთხოების დაფინანსება, ღაზის სექტორის, დასავლეთ სანაპიროს და უკრაინის ჰუმანიტარული დახმარებისთვის ცხრა მილიარდის გამოყოფა, ინდო-წყნარი ოკეანის რეგიონის მოკავშირეების, კერძოდ, ტაივანის მხარდასაჭერად კი 4,8 მილიარდის გამოყოფა.
