საბერძნეთის პოლიცია ათენის საერთაშორისო აეროპორტში დაშვებულ Ryanair-ის თვითმფრინავში ჩხრეკას აწარმოებს. ამის შესახებ Reuters-ი წერს.
გამოცემის ინფორმაციით, Boeing 737-ის პილოტმა შესაბამის ორგანოებს შეატყობინა, რომ შესაძლოა ბორტზე ასაფეთქებელი მოწყობილობა იყოს. ამ დროს თვითმფრინავში 190 მგზავრი და ეკიპაჟის წევრი იმყოფებოდა.
პოლონეთის ქალაქ კატოვიცედან აფრენილი ხომალდი საბერძნეთში 2 გამანადგურებლის თანხლებით დაეშვა. აეროპორტში მობილიზებული იყო სახანძრო ეკიპაჟები. სამართალდამცველები ჩხრეკდნენ მგზავრებს და მათ ბარგს.
ოფიციალური განმარტებები ამ დრომდე არ გაკეთებულა.
