დიდი ბრიტანეთის დედოფლის ჯანმრთელობის მდგომარეობის გაუარესების გამო, ბალმორალის ციხე-სიმაგრეში სამეფო ოჯახის წევრები იკრიბებიან.
როგორც BBC-ი იუწყება, პრინცი ჩარლზი და მისი მეუღლე კამილა, ასევე პრინცი უილიამი, ენდრიუ და ედვარდი უკვე ჩავიდნენ ბალმორალში.
ექიმები შეშფოთებულნი არიან დიდი ბრიტანეთის დედოფლის ჯანმრთელობის მდგომარეობის გამო და რეკომენდაციას უწევენ სამედიცინო მეთვალყურეობის ქვეშ ყოფნას.
„შეფასების შემდეგ, დედოფლის ექიმები შეშფოთებულნი არიან მისი უდიდებულესობის ჯანმრთელობის გამო და მას ურჩიეს, რომ დარჩეს სამედიცინო მეთვალყურეობის ქვეშ“, – ნათქვამია ბუკინგემის სასახლის განცხადებაში.
