ბრიტანეთის გენშტაბის ხელმძღვანელის, ადმირალ სერ ტონი რადაკინის განცხადებით, რუსეთმა სტრატეგიულად ომი უკვე წააგო. მისი თქმით, რუსეთი ახლა უფრო შესუსტებულია და ის ვერასდროს შეძლებს უკრაინის სრულად დაკავებას. რადაკინი ამბობს, რომ რუსეთმა დაკარგა სახმელეთო ძალების 25 პროცენტი და ამის სანაცვლოდ მინიმალური სარგებელი მიიღო.
„სტრატეგიულად, რუსეთმა ომი უკვე წააგო. ნატო გაძლიერდა, ფინეთი და შვედეთი ელოდებიან ალიანსში შესვლას. პუტინის ომის მანქანა მხოლოდ რამდენიმე კილომეტრით მიიწევს წინ ყოველდღე“, – განაცხადა რადაკინმა.
