რუსული არმია თანდათან აგვარებს ჯარისკაცების დეფიციტის პრობლემას მობილიზებულთა მოსვლასთან ერთად, მაგრამ მას არ აქვს საკმარისი საბრძოლო მასალა იმისთვის, რომ შეტევაზე გადავიდეს.
ამის შესახებ ინფორმაციას „ბი-ბი-სი”, ომის 304-ე დღეს, ბრიტანული დაზვერვის ტრადიციული დილის შეჯამების მიხედვით ავრცელებს.
„როგორც ჩანს, რუსეთი განიცდის საკრუიზო რაკეტების დეფიციტს და ამიტომ ზღუდავს უკრაინის ინფრასტრუქტურაზე თავდასხმებს კვირაში, დაახლოებით, ერთით. მსგავსი სიტუაციაა საარტილერიო ჭურვებთან დაკავშირებით – ნაკლებად სავარაუდოა, რომ რუსეთმა მოახერხა მათი მარაგების შევსება საკმარის დონეზე ფართომასშტაბიანი შეტევითი ოპერაციებზე გადასასვლელად”, – ნათქვამია მოხსენებაში.
ამავე ინფორმაციის მიხედვით, ამას ხელს უშლის გრძელი ფრონტის ხაზის დაუცველობა, რომელიც მოითხოვს დიდი რაოდენობით ჭურვებისა და რაკეტების ყოველდღიურ ხარჯვას მის დასაცავად.
