აშშ-ის ცენტრალური სადაზვერვო სააგენტოს (CIA) დირექტორის, უილიამ ბერნსის განცხადებით, შეერთებული შტატები „დარწმუნებულია“, რომ ჩინეთი რუსეთისთვის ლეტალური დახმარების გაგზავნას განიხილავს, მაგრამ CIA-ის ხელმძღვანელის თქმით, ოფიციალურ პეკინს საბოლოო გადაწყვეტილება არ მიუღია.
„დარწმუნებულები ვართ, რომ ჩინეთის ხელმძღვანელობა ლეტალური აღჭურვილობის მიწოდებას განიხილავს“, – განუცხადა CIA-ს დირექტორმა CBS News-ს.
გარდა ამისა, ბერნსის თქმით, ამერიკული მხარე ვერ ხედავს ლეტალური აღჭურვილობის რეალური გადაზიდვის შესახებ მტკიცებულებებს.
