დონეცკის ოლქში, ბახმუტთან ბრძოლაში უკრაინელი ჟურნალისტი ალექსანდრ სავოჩენკო დაიღუპა. ამის შესახებ ინფორმაციას უკრიანული მედია ავრცელებს.
36 წლის სავოჩენკო რუსეთის სრულმასშტაბური სამხედრო აგრესიის დაწყებიდან საბრძოლო მოქმედებებში მოხალისედ მონაწილეობდა.
ომის დაწყებამდე ის კიევში ჯერ ტელეკომპანია STB-ზე მუშაობდა, შემდეგ კი საინფორმაცი სააგენტო „ფრანს პრესთან“ თანამშრომლობდა. მოგვიანებით, ალექსანდრ სავოჩენკო უკრაინის საზოგადოებრივი მაუწყებლის ჟურნალისტი იყო. ჟურნალისტი ბროვარიში ცხოვრობდა.
უკრაინის ჟურნალისტთა ნაციონალური სამსახურის მონაცემებით, უკრაინაში რუსეთის მიერ ომის დაწყებიდან 38 ჟურნალისტი დაიღუპა.
