ევროკავშირის ქვეყნები ბოსნია და ჰერცეგოვინასთვის კანდიდატის სტატუსის მინიჭებაზე შეთანხმდნენ. ამის შესახებ ევროკავშირის საბჭოს ოფიციალურ ვებგვერდზე გამოქვეყნებულ განცხადებაშია ნათქვამი.
გადაწყვეტილების ფორმალიზება ხუთშაბათს ბრიუსელში ევროპული საბჭოს ლიდერების სამიტზეა მოსალოდნელი.
“განსაკუთრებით მოხარული ვარ ბოსნია და ჰერცეგოვინისთვის კანდიდატის სტატუსის მინიჭების რეკომენდაციით და ასეთ რთულ პერიოდში უკრაინის რეფორმების ძალისხმევის აღიარებით. ევროკავშირი გააგრძელებს უკრაინის მხარდაჭერას ევროკავშირის წევრობის გზაზე და ჩვენ შევთანხმდით, რომ დავუბრუნდეთ „ასოცირებული ტრიოს“ მდგომარეობას ევროკომისიის მიერ მომავალ გაზაფხულზე მოწოდებული განახლებული ინფორმაციის საფუძველზე”, – განაცხადა ჩეხეთის ევროპული საქმეების მინისტრმა, მიკულაშ ბეკმა, რომლის ქვეყანაც ამ მომენტისთვის ევროკავშირის საბჭოს პრეზიდენტობას იკავებს.
შეგახსენებთ, ევროკავშირში წევრობაზე განაცხადი ბოსნია და ჰერცეგოვინამ 2016 წელს გააკეთა. 2022 წლის ოქტომბერს კი ევროკომისიამ გარკვეული პირობებით ბოსნია და ჰერცეგოვინისთვის კანდიდატის სტატუსის მინიჭების რეკომენდაცია გასცა.
