უკრაინული გამოცემა „ევროპეისკაია პრავდას” ცნობით, გერმანია უკრაინას 16 Zuzana თვითმავალ ჰაუბიცას გადასცემს.
ცნობილია, რომ ოქტომბრის დასაწყისში გერმანია შეუთანხმდა სლოვაკეთს, ნორვეგიასა და დანიას Zuzana-2 თვითმავალი ჰაუბიცების წარმოებასა და უკრაინისთვის გადაცემისთვის საერთო დაფინანსებაზე.
გერმანიის მთავრობის ინფორმაციით, ჰაუბიცას გარდა, გერმანია უკრაინას 130 საველე გამათბობელსა და სასწრაფო დახმარების 36 მანქანას გადასცემს.
