ისრაელის პრემიერ-მინისტრის ბენიამინ ნეთანიაჰუს განაცხადებით ისრაელი იწყებს ხანგრძლივ და რთულ ომს.
ომი გვაიძულა „ჰამასის“ სასტიკმა თავდასხმამ, – განაცხადა მან.
ისრაელის პრემიერის თქმით, ისინი აღადგენენ უსაფრთხოებას ისრაელის მოქალაქეებისთვის და გაიმარჯვებენ.
მისი თქმით, პირველი ეტაპი რამდენიმე საათებში ისრაელის ტერიტორიაზე შემოჭრილი მტრის ძალების უმრავლესობის განადგურებით დასრულდება.
„ ამავდროულად, ჩვენ დავიწყეთ შეტევითი ფორმირება და ის გაგრძელდება დათქმისა და შესვენების გარეშე, მიზნების მიღწევამდე”, – განაცხადა ნეთანიაჰუმ.
„ჩვენ აღვადგენთ უსაფრთხოებას ისრაელის მოქალაქეებისთვის და გავიმარჯვებთ“, – დასძინა ნეთანიაჰუმ.
როგორც მედია წერს, ისრაელის პოლიტიკურ-უსაფრთხოების კაბინეტი შაბათს შეიკრიბა, რათა „ჰამასის“ მოულოდნელ თავდასხმაზე ქვეყნის პასუხი განესაზღვრა.
ისრაელის პრემიერ-მინისტრის ოფისის განცხადებაში ნათქვამია, რომ მინისტრთა კაბინეტმა მიიღო „ოპერატიული გადაწყვეტილებების სერია, რაც მიზნად ისახავს „ჰამასის“ და პალესტინის ხელისუფლების სამხედრო და პოლიტიკური შესაძლებლობების განადგურებას“.
7 ოქტომბერს, პალესტინის მოძრაობა „ჰამასმა“ ისრაელზე ყველაზე მასშტაბური თავდასხმა განახორციელა. ისრაელმაც საპასუხოდ ღაზაზე საჰაერო დარტყმების ტალღა დაიწყო.
