პოლიტიკა

ლიეტუვამ უკრაინისთვის სამხედრო დახმარების სამწლიანი გეგმა მიიღო

ლიეტუვას თავდაცვის სამინისტროს განცხადებით, ქვეყნის ეროვნულმა თავდაცვის საბჭომ უკრაინისთვის სამხედრო დახმარების სამწლიანი გეგმა მიიღო.

უწყების განმარტებით, 2024-2026 წლებში უკრაინის შეიარაღებული ძალების მხარდაჭერის გეგმის დაფინანსება დაახლოებით 200 მილიონ ევროს შეადგენს.

„მხარდაჭერის ძირითადი მიმართულებები ლეტალური და არალეტალური მოწყობილობის შესყიდვა, სამხედრო განათლება და მომზადება დახმარების ფონდებში შენატანები, ლიეტუვას ტერიტორიაზე სამხედრო ტექნიკის რემონტი და პირადი შემადგენლობის მომზადება იქნება“, – ნათქვამია განცხადებაში.

ლიეტუვას თავდაცვის მინისტრის, არვიდას ანაშაუსკასის თქმით, მოსალოდნელია, რომ გეგმის დაფინანსებას მშვიდობის ევროპული ფონდი უზრუნველყოფს.

ასევე ნახეთ

ისრაელთან 12-დღიანი ომის დროს ირანში სულ მცირე 935 ადამიანი დაიღუპა

ირანის ხელისუფლების ინფორმაციით, ისრაელთან 12-დღიანი ომის დროს ქვეყანაში, სულ მცირე, 935 ადამიანი დაიღუპა, – ინფორმაციას …

ჩანთების ონლაინ მაღაზია