პოლიტიკა

ლუკაშენკომ ბელარუსში სიკვდილით დასჯა აღადგინა

ბელარუსის სახელმწიფო ტელევიზიის „ბელტას“ ცნობით, ქვეყნის ავტოკრატმა ლიდერმა ალიაქსანდრ ლუკაშენკამ ქვეყანაში სიკვდილით დასჯა აღადგინა ღალატის მუხლით გასამართლებული ჩინოვნიკებისთვის

კანონი სისხლის სამართლის კოდექსში შეტანილი ცვლილებების ნაწილია, რომლებიც მიზნად ისახავენ ე.წ. „ექსტრემისტული (ტერორისტული) და ანტისახელმწიფოებრივი ორიენტაციის დანაშაულების“ წინააღმდეგ ბრძოლის გაძლიერებას

6 მარტს მინსკში სასამართლომ დაუსწრებლად 15 წლით მიუსაჯა პატიმრობა ბელარუსის ოპოზიციის ლიდერს, სვიატლანა ციხანოუსკაიას, მთავრობის დამხობის შესახებ შეთქმულების, ექსტრემისტული ჯგუფის შექმნის და ხელმძღვანელობის, სიძულვილის გაღვივების და ეროვნული უსაფრთხოებისთვის ზიანის მიყენების ბრალდებებით

ციხანოუსკაიასთან ერთად ასევე დაუსწრებლად გაასამართლეს კიდევ ოთხი ოპოზიციონერი: პაველ ლატუშკა, მარია მაროზი, ვოლჰა კავალკოვა და სიარჰეი დილევსკი, რომლებიც დამნაშავედ ცნეს და პატიმრობა მიუსაჯეს

ხუთივე მსჯვარდადებული უცხოეთში ცხოვრობს.

ასევე ნახეთ

დევიდ კამერონი – დასავლეთს საკმარისი არ გაუკეთებია უკრაინის მხარდასაჭერად

გაერთიანებული სამეფოს საგარეო საქმეთა მინისტრი დევიდ კამერონი მიიჩნევს, რომ დასავლეთს საკმარისი არ გაუკეთებია უკრაინის მხარდასაჭერად. …

ჩანთების ონლაინ მაღაზია