პოლიტიკა

მაროკოში დამანგრეველი მიწისძვრის შედეგად დაღუპულთა რაოდენობამ 2 600-ს გადააჭარბა

მაროკოში დამანგრეველი მიწისძვრის შედეგად დაღუპულთა რაოდენობამ 2 600-ს გადააჭარბა, სამაშველო სამუშაოები გრძელდება.

The Gardian-ის ინფორმაციით, მთებში მდებარე სოფლებში გადარჩენილების ძებნისთვის სულ ცოტა დრო რჩება, რაც ამ ადგილების მიუდგომლობითა და სამაშველო ბრიგადების სიმცირით არის განპირობებული.

ადგილობრივი მაშველების დასახმარებლად ქვეყანაში ჩავიდნენ საგანგებო სიტუაციების სამსახურების ჯგუფები ესპანეთიდან, გაერთიანებული სამეფოდან, კატარიდან და არაბთა გაერთიანებული საამიროებიდან. დახმარებისთვის მზადყოფნა გამოთქვეს საფრანგეთმა, აშშ-მა, თურქეთმა და კიდევ რამდენიმე ქვეყანამ.

თურქეთის პრეზიდენტის, რეჯეფ თაიფ ერდოღანის თქმით, მისი ქვეყანა მზად არის მაროკოს „ნებისმიერი საშუალებებით“ დაეხმაროს.

6.8 მაგნიტუდის სიმძლავრის მიწისძვრა მაროკოში 8 სექტემბერს გვიან ღამით მოხდა. 20 წუთის შემდეგ მას განმეორებითი 4.9 მაგნიტუდის სიმძლავრის მიწისქვეშა ბიძგი მოჰყვა. სტიქიის ეპიცენტრი ქალაქ მარაკეშიდან სამხრეთ-დასავლეთით ატლასის მთებში, 71 კმ-ის სიღრმეში დაფიქსირდა.

ასევე ნახეთ

რეჯეფ თაიფ ერდოღანი – ჩვენ არ გამოვიჩენთ უპატივცემულობას ჩვენი ერის გადაწყვეტილების მიმართ და არ ვიმოქმედებთ ეროვნული ნების საწინააღმდეგოდ

შედეგების მიუხედავად, ამ არჩევნებში გამარჯვებული ჩვენი დემოკრატია და ეროვნული ნებაა, – ასე გამოეხმაურა თურქეთის პრეზიდენტი, …

ჩანთების ონლაინ მაღაზია