პოლიტიკა

მაროკოში მიწისძვრის შედეგად გარდაცვლილთა რიცხვმა 1000-ს გადააჭარბა

მაროკოში ძლიერი მიწისძვრის შედეგად გარდაცვლილთა რიცხვმა 1000-ს გადააჭარბა. სტიქიის შედეგად დაშავდა სულ მცირე 330 ადამიანი.

მედიის ინფორმაციით, ამ დროისთვის სამაშველო სამუშაოები მიმდინარეობს, ცდილობენ ნანგრევებიდან გადარჩენილების ამოყვანას. სავარაუდოდ, გარდაცვლილთა რიცხვი კიდევ გაიზრდება.

6.8 მაგნიტუდის სიმძლავრის მიწისძვრა მაროკოში 8 სექტემბერს გვიან ღამით მოხდა. 20 წუთის შემდეგ მას განმეორებითი 4.9 მაგნიტუდის სიმძლავრის მიწისქვეშა ბიძგი მოჰყვა.

სტიქიის ეპიცენტრი ქალაქ მარაკეშიდან სამხრეთ-დასავლეთით ატლასის მთებში, 71 კმ-ის სიღრმეში დაფიქსირდა.

The Guardian-ზე დაყრდნობით, მარაკეშში, რომლის ცენტრი იუნესკოს მსოფლიო მემკვიდრეობის ობიექტთა სიაში არის შეტანილი, რამდენიმე ისტორიული შენობა, მათ შორის მეჩეთის მინარეთი დაინგრა.

ასევე ნახეთ

აშშ-რუსეთის სამიტი ალასკაში, ტრამპისა და პუტინის შეხვედრა კონკრეტული შედეგების გარეშე

ისტორიული სამიტი ალასკაში. ქალაქ ანკორიჯში აშშ-ისა და რუსეთის პრეზიდენტების შეხვედრა კონკრეტული შედეგის გარეშე დასრულდა. ეს …

ჩანთების ონლაინ მაღაზია