პოლიტიკა

მაროკოში მიწისძვრის შედეგად გარდაცვლილთა რიცხვმა 1000-ს გადააჭარბა

მაროკოში ძლიერი მიწისძვრის შედეგად გარდაცვლილთა რიცხვმა 1000-ს გადააჭარბა. სტიქიის შედეგად დაშავდა სულ მცირე 330 ადამიანი.

მედიის ინფორმაციით, ამ დროისთვის სამაშველო სამუშაოები მიმდინარეობს, ცდილობენ ნანგრევებიდან გადარჩენილების ამოყვანას. სავარაუდოდ, გარდაცვლილთა რიცხვი კიდევ გაიზრდება.

6.8 მაგნიტუდის სიმძლავრის მიწისძვრა მაროკოში 8 სექტემბერს გვიან ღამით მოხდა. 20 წუთის შემდეგ მას განმეორებითი 4.9 მაგნიტუდის სიმძლავრის მიწისქვეშა ბიძგი მოჰყვა.

სტიქიის ეპიცენტრი ქალაქ მარაკეშიდან სამხრეთ-დასავლეთით ატლასის მთებში, 71 კმ-ის სიღრმეში დაფიქსირდა.

The Guardian-ზე დაყრდნობით, მარაკეშში, რომლის ცენტრი იუნესკოს მსოფლიო მემკვიდრეობის ობიექტთა სიაში არის შეტანილი, რამდენიმე ისტორიული შენობა, მათ შორის მეჩეთის მინარეთი დაინგრა.

ასევე ნახეთ

ილჰამ ალიევი აცხადებს, რომ ჩატარებული ანტიტერორისტული ღონისძიებების შედეგად ქვეყანამ თავისი სუვერენიტეტი აღიდგინა

აზერბაიჯანის პრეზიდენტი, ილჰამ ალიევი აცხადებს, რომ ჩატარებული ანტიტერორისტული ღონისძიებების შედეგად ქვეყანამ თავისი სუვერენიტეტი აღიდგინა. პრეზიდენტმა …