უკრაინის პრეზიდენტის ადმინისტრაციის მრჩეველი, მიხაილო პოდოლიაკი, ყირიმის ხიდზე მომხდარ აფეთქებას ტვიტერის ოფიციალურ გვერდზე გამოეხმაურა და აღნიშნა,რომ ყველაფერი უკანონო უნდა განადგურდეს.
„ყირიმი, ხიდი, დასაწყისი – ყველაფერი უკანონო უნდა განადგურდეს, ყველაფერი მოპარული უნდა დაუბრუნდეს უკრაინას, ყველაფერი, რაც რუსეთის მიერაა ოკუპირებული, უნდა განიდევნოს“, – აღნიშნავს პოდოლიაკი.
ცნობისთვის,დღეს დილით ყირიმის ხიდზე სატვირთო ავტომობილი აფეთქდა,შედეგად კი, საწვავის ავზებს ცეცხლი გაუჩნდა და ხიდზე ძლიერი ხანძარი გაჩნდა.
