ბრიუს უილისს ფრონტოტემპორალური დემენცია აქვს. როგორც BBC წერს, ამის შესახებ ჰოლივუდის მსახიობის ოჯახის მიერ გავრცელებულ წერილშია აღნიშნული.
„შვებაა ის, რომ საბოლოოდ ვიცით ზუსტი დიაგნოზი”, – აცხადებენ მსახიობის ოჯახის წევრები. გასულ წელს 67 წლის უილისს აფაზია დაუდგინდა – მეტყველების დარღვევა, რომელსაც ტვინის დაზიანება იწვევს.
უილისის კარიერა 1980-იან წლებში დაიწყო. მან არაერთ პოპულარულ ფილმში ითამაშა, მათ შორისაა: „კერკეტი კაკალი“, „არმაგედონი“, „მეხუთე ელემენტი“ და მრავალი სხვა.
