დღეს აშშ-ს თავდაცვის სამინისტროს წარმომადგენელმა პატრიკ რაიდერმა პრესკონფერენციაზე განაცხადა, რომ რუსეთში შეიარაღებული ამბოხის წარუმატებელი მცდელობის მიუხედავად, კერძო სამხედრო კომპანია „ვაგნერის“ ჯარი უკრაინის ტერიტორიაზე დღემდე რჩება. თუმცა, პენტაგონის წარმომადგენელს რუსი დაქირავებულების ადგილმდებარეობის შესახებ არაფერი უთქვამს.
„რაც შეეხება “ვაგნერელების“ კონკრეტულ დისლოცირებასა და გადადისლოცირების შესაძლებლობას, ამ თემასთან დაკავშირებით სპეკულირებას არ ვაპირებ,“ – განაცხადა პატრიკ რაიდერმა.
მან აღნიშნა, რომ რუსეთში მომხდარი მოვლენების გამო აშშ-ს ჯარების განლაგებაში არავითარი ცვლილება არ მომხდარა.
„ჩვენ ვერ დავინახეთ ვერაფერი, რაც, ჩვენი თვალსაზრისით, რაიმე იძულებით კორექტირებას მოითხოვდეს”, – დასძინა პენტაგონის წარმომადგენელმა.
