გერმანიის თავდაცვის მინისტრი, ბორის პისტორიუსი ამბობს, რომ უკრაინა Leopard 2-ის საბრძოლო ტანკებს მარტის ბოლოსთვის მიიღებს.
“ჩვენს Leopard-ებს არა უგვიანეს მარტის ბოლოსთვის მივაწვდით”, – თქვა პისტორიუსმა პრესკონფერენციაზე, როდესაც გერმანიის საწვრთნელ ბაზებს სტუმრობდა.
“ეს ძალიან გვიანი არაა”, – განმარტა პისტორიუსმა.
25 იანვარს გერმანიის მთავრობამ გადაწყვიტა, რომ უკრაინას მის მიერ წარმოებული Leopard 2-ის ტანკების 14 ერთეულს გადასცემს. ამავე დროს, მესამე ქვეყნებსაც მისცემს ტანკების გადაცემის უფლებას.
როდესაც ჟურნალისტმა ჰკითხა, რატომ დასჭირდა გადაწყვეტილების მისაღებად გერმანიას დიდი დრო, პისტორიუსმა თქვა:
“ჩვენ არ გვიორჭოფია, ჩვენს მოკავშირეებთან მოლაპარაკებებს ვაწარმოებდით – პარტნიორებსა და მეგობრებს ვესაუბრებოდით იმის შესახებ, რა სჯობს გაკეთდეს ახლა და ამას დრო სჭირდება”.
“ესაა არაა გადაწყვეტილება, რომ უბრალოდ რაღაც შეუკვეთო საიტზე ან ვიღაცას რაღაცა გაუგზავნო, ეს ომის, ნდობისა და ალიანსის საკითხია”, – თქვა პისტირიუსმა.
