აშშ-ს პრეზიდენტმა დონალდ ტრამპმა და რუსეთის პრეზიდენტმა ვლადიმირ პუტინმა ახლო აღმოსავლეთში განვითარებულ მოვლენებსა და უკრაინასთან სამშვიდობო მოლაპარაკებების შესახებ ტელეფონით ისაუბრეს. სატელეფონო ზარი 50 წუთი გაგრძელდა.
აშშ-ს თეთრი სახლის მიერ გავრცელებულ განცხადებაში ტრამპი ამბობს, რომ პუტინმა მას დაბადების დღის მისალოცად დაურეკა, თუმცა “რაც ყველაზე მნიშვნელოვანია, ირანზე სალაპარაკოდ – ქვეყანაზე, რომელსაც ის ძალიან კარგად იცნობს”.
“ჩვენ დიდი ხნის განმავლობაში ვისაუბრეთ. გაცილებით ნაკლები დრო დაიხარჯა რუსეთ/უკრაინაზე საუბარში, თუმცა ეს შემდეგ კვირას იქნება”. – თქვა ტრამპმა და აღნიშნა, რომ სატელეფონო ზარი “დაახლოებით 1 საათი” გაგრძელდა.
“ის ფიქრობს, როგორც მე, რომ ეს ომი, ისრაელსა და ირანს შორის, უნდა დასრულდეს, რაზეც მე მას ვუპასუხე, რომ მისი ომიც უნდა დასრულდეს”. – თქვა ტრაპმა.
